Sudan milli futbol komandasının qapıçısı Monqed Abuzaid Ekvatorial Qvineyaya qarşı Afrika Millətlər Kubokunun qrup mərhələsi matçında huşunu itirib.

Matc.az xəbər verir ki, oyunun 30-cu dəqiqəsində Abuzaid cərimə meydançasının kənarına doğru gedərək huşunu itirib. Hakim qapıçıya tibbi yardım göstərə bilməsi üçün oyunu 10 dəqiqə dayandırıb. Abuzaid tez bir zamanda özünə gəlib və oyunu davam etdirib.

Sudan Ekvatorial Qvineyanı 1:0 hesabı ilə məğlub edib. İki oyundan sonra Sudan E qrupunda üçüncü yerdə qərarlaşıb və pley-off mərhələsinə vəsiqə qazanmaq üçün şansları var. Ekvatorial Qvineya iki oyunu uduzaraq qrupda sonuncu, dördüncü yerdədir.