Prokurorluq Argentina Futbol Assosiasiyasının (AFA) rəhbərliyini 19 milyard peso (12,8 milyon dollar) sosial təminat ödənişlərini qanunsuz olaraq saxlamaqda ittiham edib.

Prokurorluq Argentina Futbol Assosiasiyasının (AFA) rəhbərliyini 19 milyard peso (12,8 milyon dollar) sosial təminat ödənişlərini qanunsuz olaraq saxlamaqda ittiham edib.

Matc.az xəbər verir ki, bu barədə TN telekanalı məlumat yayıb.

İttihamlar AFA prezidenti Klaudio Tapia və təşkilatın xəzinədarı Pablo Toviginyoya qarşı irəli sürülüb. İstintaq Argentina Vergi Xidmətinin şikayəti əsasında başlayıb və həmin şikayətə əsasən futbol assosiasiyasının AFA işçiləri və Argentinanın ən böyük futbol klublarının işçiləri üçün pensiya ödənişlərini köçürmədiyi müəyyən edilib.

Qeyd edək ki, daha əvvəl məhkəmənin tələbi ilə AFA rəhbərliyi ilə əlaqəli ola biləcək əmlaklarda axtarışlar aparılıb. Xüsusilə, söhbət 10 hektar ərazisi olan, üzərində helikopter meydançası, at ferması və 50-dən çox retro avtomobilin yerləşdiyi bir ərazidən gedir.