"Liverpul"un və İngiltərə yığmasının sabiq yarımmüdafiəçisi Stiven Cerrard Fransa millisinin dünya çempionu olacağına inanır.

Matc.az xəbər verir ki, əfsanəvi futbolçu mundialla bağlı bir neçə maraqlı proqnoz verib və turnirin fərdi mükafatlarının gözlənilən qaliblərinin adlarını çəkib.

Cerrard Argentina və Fransanı dünya çempionatının əsas favoritləri hesab etdiyini bildirib.

Qeyd edək ki, ingiltərəli mütəxəssis turnirin müxtəlif nominasiyaları üzrə sualları belə cavablandırıb:

Turnirin ən yaxşı bombardiri: Xulian Alvares

Turnirin ən yaxşı qapıçısı: Emiliano Martines

Turnirin ən yaxşı oyunçusu: Lionel Messi

Turnirin ən yaxşı gənc oyunçusu: Lamin Yamal

Turnirin sürprizi (açılışı): Uruqvay

Dünya çempionatının qalibi: "Fransa və ya Argentina. Əgər məni onların arasında seçim etməyə məcbur etsəniz, Fransanı seçərəm".

Xatırladaq ki, Cerrard cari mövsümdə "Qızıl top" mükafatını isə həmyerlisi Harri Keynin qazanacağına ümid etdiyini xüsusi vurğulayıb.